- 64 -

1296, Oktober 10. Breslau.

Derselbe (No. LXIII.) entscheidet einen Zehntstreit zwischen Berthold, Pfarrer von Schönheide, und dem Kloster zu Gunsten des letzteren.

In nomine domini amen. Noverint universi presentes litteras inspecturi, quod, cum coram nobis magistro Petro dicto Lapis canonico ecclesie Wrat. et officiali curie ibidem dominus Bertholdus plebanus de Merica per Johannem et Tylonem fratres monasterii de Camencz ordinis Cysterciensis syndicos ac procuratores . . abbatis et conventus eiusdem monasterii de Camenz super decimis de tribus mansis et dimidio sitis in willa Heyda esset ad iudicium evocatus et super eadem decima eidem domino Bertholdo questio moveretur, idem dominus Bertholdus in iudicio presentialiter constitutus cessit de eadem decima predictorum mansorum prefatis abbati et conventui predicti monasterii de Camenz, renuncians omni iuri quod, sibi in eadem decima de tribus mansis et dimidio in willa Heyda competere videbatur. Super fructibus vero perceptis et qui percipi poterant in predictis decimis idem dominus Bertholdus plebanus de Merica submisit se gracie predictorum. Nos itaque predictam decimam de tribus mansis et dimidio de Heyda debere pertinere ad prenominatum monasterium de Camenz pronuntiamus in hiis scriptis. In cuius rei testimonium et evidenciam pleniorem sygilli nostri officialatus munimine fecimus communiri. Actum et datum Wrat. in foribus ecclesie beati Johannis VI°. Ydus Octobris anno domini M°. ducentezymo (!) nonagesimo VI°. presentibus dominis: magistro Wencezlao canonico ecclesie sancti Egidii apud Wrat., Petro subdyacono, Sdeschone dyacono vicariis de choro Wrat., Theodrico dicto Capusch, Frizchone dicto de Zultz, Sydelmanno clerico magistri Jacobi advocatis consistorii nostri Wrat., Mauritio de Rosmanka, Frizcone de Widna plebanis et aliis multis.

Or. Perg. An einem Pergamentstreifen das zur Hälfte abgebrochene S. des Officials; vgl. No. LXII.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 10, Urkunden des Kloster Kamenz. Hrsg von Dr Paul Pfotenhauer, Breslau 1881.